مواد فرقة أولى

1) المحاسبة بعد ما عرفنا مبادئ المحاسبة ودرسناها في التيرم الأول محاسبة التيرم الثاني أعلى منها شوية .. أتقل ممكن بس مذاكرتها بشيطة ومتابعتك معاها في التمارين والمحاضرات والسكاشن هتريحك

2) إقتصاد كلي التيرم اللي فات درسنا مبادئ اقتصاد جزئي، بداية هندرس مفاهيمه الأساسية بعد كدا أساسياته وندرس الطلب الكلي والعرض الكلي.. الإقتصاد الكلي ملم بدرجة أكبر للحياة الاقتصادية في حكومة معينة او بمعنى أصح دراسته وتحليلاته بترسى على دولة كامله من دراسة المشاكل اللي بتضعف الحركة الاقتصادية لحلولها وطرق تفاديها..

3) إدارة عامة البابلك أدمنستريشن ودي وحش التيرم، يعني أحسنلك تلمها أول بأول علشان ميتقلبش السحر ع الباشمحاسب 😃 هتتكر معاك مفاهيم التيرم الأول على نطاق اوسع بيشمل المنظمات العامة ممكن تلاقي مفاهيم بسيطة عدت التيرم الأول بتاخد حيز أكبر بسبب تطبيقها في منظمة أكبر

4) القانون ودي مادة بسيطة .. قوانين حقوقية مش تجارية ودي اللي بتسند المنشأة من الجانب القانوني، مذاكرتها سهلة ومحتواها ابسط يعني

5) السلوك التنظيمي مادة بتحدف على ادارة في نفسها .. بس لو دققنا في الاسم هنفهم هي بتتكلم عن ايه ، السلوك التنظيمي بيتتاول سلوك الفرد في المنظمة ،وسلوك الجماعة وعلاقة السلوك بالادارة ودا بيبان بدراسة القيادة الادارية ودوافع السلوك وثقافة تنظيم العمل وهكذا

6) التطور الإقتصادي وتحليل الموارد هتلاقي نفسك واقع في بوتقة تاريخ وجغرافيا ، لعبة هتلعبها بزمان مع مفاهيم تجارية إقتصادية .. بمعنى انك في جزء التطور هتدرسة نشأة الاقتصاد في عصور معينة وثورات صناعية وسياسات تجارية آثارهم وسلبياتهم ونتايجهم وهكذا وبعد كدا انتقالهم لينا هنا جزء تحليل الموارد ،هتدرس فيه الموارد الطبيعية والبشرية -المفيد فيهم اقتصاديا- وكيفية إدارتهم وتنميتهم وعلاقتهم برأس المال وتأثيره ع المنظمات

7) حقوق الإنسان واللي هتتكاثر الاقاويل حول الموضوع دا أولا المادة موجودة معاك بتأثر عليك بنجاح ورسوب إنما تقديرها مش بيضر او يفيد ثانيا من إسمها هي حاجة بسيطة عارفينها كلنا 😂 وبتتلم بسهولة