"علشان متتفاجئش" نبذة عن مواد فرقة ثالثة

Feb 2, 2018
2 min read

علشان متتفاجئش مجموعة مقالات بنحاول فيها نعطيلك نبذة بسيطة على المواد اللي هتدرسها الترم التاني علشان تكون عامل حسابك . هنتكلم هنا عن مواد فرقة ثالثة وهننزل باقي الفرق بالترتيب

هنبتدي الاول بالمحاسبات بس المره ده اتنين بس مش تلاته😉 اول محاسبه و هي

التكاليف 2 :

هتكمل معاكو التيرم ده و السنه الجايه لتخصص محاسبه نخلينا الترم ده التيرم ده التكاليف عباره عن ازاي احسب تكلفه المنتج و هي عباره عن اني بحسب تكلفه 3 حاجات

المواد: اللي بستخدمها في الانتاج و في جزء المواد هتدرسوا كمان حركه المواد من و إلى المخزن سواء كميتها او قيمتها

وتاني حاجه الاجور: الاجور اللي بدفعها للعمال و امتى اخصم منهم

تالت حاجه التكاليف الاضافيه: زي صيانه الالات اتكلفت كام و هكذا

عيبها الوحيد الجداول الكتير اللي بترسموها علشان تجاوبوا فيها ، بس هي ماده بسيطه لما تتفهم كويس و الحل الكتير عليها محاسبه حكومية و قومية :

و دي محاسبه مش ع مستوى منشأه فرديه و لا شركه و لا قطاع حكومي معين لا المحاسبه ده ع مستوى القومي يعني ع مستوى كل الشركات و المؤسسات فهتدرسوا فيها ازاي احسب الناتج القومي لكل المؤسسات اللي ليها ناتج و الانفاق القومي و الدخل القومي و دي ماده بسيطه بس محتاجه متابعه علشان في الاخر هتحسوا انها كلها شبه بعض😅 كده خلصنا المحاسبه ...بعد كده

التأمين و رياضياته :

اكيد سمعتوا كلمه التأمين قبل كده التأمين ع العربيه او التأمين ع الحياه هتدرسوا ايه تقسيمات التأمين، و ازاي شركات التأمين بتحسبه ، و ايه الحالات اللي فيها بياخد الراجل اللي عامل التأمين مبلغ التأمين من شركه التأمين و عيبها ماده طويله و قوانينها كتير بس بمذاكرتها اول بأول هتبقى سهله في الاخر 😉

التنميه و التخطيط الاقتصادي :

ماده اقتصاد بس خدو بالكم منها لانها تقيله تابعو فيها ؛ في بدايتها هتدرسوا التخلف الاقتصادي وخصائص الدوله المتخلفه ؛ وهتدرسو كمان شويه نظريات تنميه اللي توصلولها العلماء اللي في رأيهم ممكن من خلالها اعمل تنميه للدول المتخلفه

اداره منشأت ماليه :

هي ماده اداره بس المره ده نظري بس مش معنى كده انكوا هتقولوا انها حفظ و خلاص لا خدوها كمعلومات بتفهموا من خلالها ازاي البنك او اي مؤسسه ماليه بتدير مواردها الماليه و ازاي بتستثمرها و ايه حجم رأس المال اللي البنك لازم يحتفظ بيه

اللغه و المصطلحات الاوروبيه :

و دي طبعا احلى مادة نختم بيها السنة دي ؛ وهي عباره عن اقتصاد و اداره تانية بالانجلش مواد التيرم ده تقيله شويه بس احنا قدها

#معاك_في_اللي_يهمك