"علشان متتفاجئش" نبذة عن مواد فرقة ثانية

علشان متتفاجئش مجموعة مقالات بنحاول فيها نعطيلك نبذة بسيطة على المواد اللي هتدرسها الترم التاني علشان تكون عامل حسابك . هنتكلم هنا عن مواد فرقة تانية وهننزل باقي الفرق بالترتيب

1) محاسبة الشركات

درسنا التيرم الاول الأشخاص اما التيرم ده هندرس الأموال المادة بتتكلم عن شركات المساهمه (مفهوهما وتأسيسها وادارتها) وحاجه اسمها حوكمه الشركات مش صعبه وعندك بقى تكوين رأس مال الشركة المساهمه ده لذيذ ومهم جداً جداً وبعد كده هتلاقب السندات (اصدارها وفائدتها وردها )، ماده حلوه 😌 افهمها وحل كتير هتلاقيها ماشيه معاك

2) نقود وبنوك

الشوربة اللي بنتلسعنا كل تيرم وسلاحك الاول والاقوى ضدها مذاكرتها وسلاحك التاني والتالت برضه مذاكرتها ماتسمحلهاش تتراكم عليك حتى لا يمسك الضر، جربناها في الترم الأول وعارفين انها محتاجة مننا مجهود

3) إدارة الأفراد

مادة لذيذة جداا حاول تاخدها كمعلومات مش حفظ لأنها مفيده على المستوى العملي فالشعل وفالحياة عموماً، بتتكلم عن تطور الفكر الإدارى، تخطيطه وتنظيمه وشوية وظائف واختبارات الوظائف والمسار الوظيفى والموظفين بقا وتدريبهم ومرتباتهم وحاجات كويسة يعني

4) القانون التجاري

طويلة شوية بس مضمونها سهل بتتكلم عن قوانين التجارة بشكل عام وقوانين الشركات المدنية والتجارية وازاي تفرق بين النوعين مادة فهم قبل ماتكون حفظ افهمها تكسبها

5) إدارة إنتاج

ودي بتتناول جزئين جزء نظري مذاكرته بسيطة ومش هيحتاج منك مجهود كبير والجزء التاني عملي ودة الجزء الاهم ركز عليه كويس، افهمه وحل عليه كتير

6) حاسب آلي

بيقولوا عليها مادة جانبية و سهلة جدا بس زعلت الفرقة اللي أكبر منكم السنة اللي فاتت 😂

7) مبادئ الإحصاء

مادة تقدير كل اللي محتاجاه منك حل تمارين عليها وحتى اذا قابلتك بعض العقد فبالممارسة كلها هتتفك

#معاك_في_اللي_يهمك