"فيزا الكلية" دلوقتي تقدر تستلمها مجانا
- Nov 11, 2017
- 1 min read
السنة اللي فاتت الكلية بتاعتنا و البنك الأهلي المصري عملوا بروتوكول تعاون مع بعض و كان شامل توزيع بطاقات دفع "فيزا" مجانا على طلاب الكلية ، معظم طلاب فرقة أولى لسه مستلموهاش و اللي إستلمها حتى من الدفعات الكبيرة إما مش عارف يفعلها أو مش عارف ايه لازمتها و ممكن يستخدمها في إيه !
إحنا هنقولكم هنا خطوات تفعيلها و الإستفادة منها
في البداية اللي لسه مستلمهاش يقدر يستلمها دلوقتي مجانا من أوضة المعيدين بالكارنيه و صورة البطاقة
طريقة التفعيل
-هتروح لآي فرع تابع للبنك الأهلي أو اي ماكينة صراف آلي من اللي بيكون فيهم مكان للإيداع
-لو روحت للبنك هتطلب من الموظف يفعلهالك بالرصيد اللي إنت عايزه ، أما لو هتفعلها إنت من الماكينة بتدخل البطاقة فيها ف بيطلعلك رسالة إنها لسه ما تمش تفعيلها بتختار تعيين كلمة السر و تأكدها و بعدين تعمل إيداع للمبلغ اللي إنت عايزه
المزايا و الإستخدامات
- مبتحتاجش إن يكون عندك حساب بنكي علشان تعملها
-تقدر تستخدمها في التسوق و شراء المنتجات من على الإنترنت
-ممكن بيها تدفع فواتير النت والتليفون الأرضي و كمان تشحن منها موبايلك
-تقدر تسحب منها فلوس في أي وقت من حوالي 10000 ماكينة صراف آلي في مصر و حوالي 50 منتشرين في أنحاء محافظة دمياط
-كمان البنك الأهلي ليه أبليكيشن متوفر لجميع أنواع الموبايلات تقدر تدير وتشرف منه على حسابك بكل سهولة
لو قابلتك أي مشكلة في إستلامها في الكلية متترددش تطلب مساعدتنا أو لو واجهتك مشكلة مع البطاقة نفسها إتصل بخدمة عملاء البنك الأهلي 19623
عاملينلك الفيديو ده علشان تعرف الفرق بين بطاقات الدفع و بطاقات الائتمان
Comments