مواد فرقة ثالثة

بما ان الترم التاني مش فاضل عليه الا ايام فخدوا نظره كده ع المواد اللي هتدرسوها

هنبتدي الاول بالمحاسبات بس المره ده اتنين بس مش تلاته😉

اول محاسبه و هي

التكاليف 2 : هتكمل معاكو التيرم ده و السنه الجايه لتخصص محاسبه نخلينا الترم ده التيرم ده التكاليف عباره عن ازاي احسب تكلفه المنتج و هي عباره عن اني بحسب تكلفه 3 حجات المواد: اللي بستخدمها في الانتاج و في جزء المواد هتد

رسوا كمان حركه المواد من و إلى المخزن سواء كميتها او قيمتها وتاني حاجه الاجور: الاجور اللي بدفعها للعمال و امتى اخصم منهم تالت حاجه التكاليف الاضافيه: زي صيانه الالات اتكلفت كام و هكذا

عيبها الوحيد الجداول الكتير اللي بترسموها علشان تجاوبو فيها 😅 بس هي ماده بسيطه لما تتفهم كويس و الحل الكتير عليها😉

بعد كده... محاسبه حكوميه و القوميه : و دي محاسبه مش ع مستوى منشأه فرديه و لا شركه و لا قطاع حكومي معين لا المحاسبه ده ع مستوى القومي يعني ع مستوى كل الشركات و المؤسسات فهتدرسوا فيها ازاي احسب الناتج القومي لكل المؤسسات اللي ليها ناتج و الانفاق القومي و الدخل القومي و دي ماده بسيطه بس محتاجه متابعه علشان في الاخر هتحسو انها كلها شبه بعض😅

كده خلصنا المحاسبه ...😉بعد كده

التأمين و رياضياته : اكيد سمعتوا كلمه التأمين قبل كده التأمين ع العربيه او التأمين ع الحياه هتدرسوا ايه تقسيمات التأمين، و ازاي شركات التأمين بتحسبه ، و ايه الحالات اللي فيها بياخد الراجل اللي عامل التأمين مبلغ التأمين من شركه التأمين و عيبها ماده طويله و قوانينها كتير بس بمذاكرتها اول بأول هتبقى سهله في الاخر 😉

التنميه و التخطيط الاقتصادي : ماده اقتصاد بس خدو بالكم منها لانها تقيله تابعو فيها ؛ في بدايتها هتدرسوا التخلف الاقتصادي وخصائص الدوله المتخلفه ؛ وهتدرسو كمان شويه نظريات تنميه اللي توصلولها العلماء اللي في رأيهم ممكن من خلالها اعمل تنميه للدول المتخلفه

اداره منشأت ماليه :هي ماده اداره بس المره ده نظري بس مش معنى كده انكوا هتقولوا انها حفظ و خلاص لا خدوها كمعلومات بتفهموا من خلالها ازاي البنك او اي مؤسسه ماليه بتدير مواردها الماليه و ازاي بتستثمرها و ايه حجم رأس المال اللي البنك لازم يحتفظ بيه

اللغه و المصطلحات الاوروبيه : و دي طبعا احلى مادة نختم بيها السنة دي ؛ وهي عباره عن اقتصاد و اداره تانية بالانجلش

مواد التيرم ده تقيله شويه بس احنا قدها #أسرة_شباب_تجارة