كنت تعرف ؟

دلوقتي بقينا نلاقي مصطلحات في كلامنا وفي حياتنا عموما بنكررها كتير بس مننا اللي مش عارفين معناها او اساسها إيه!

قلنا نجمع أكتر المصطلحات دي والمنتشرة بيننا منهم.

الأرستقراطية

من أعلى طبقات المجتمع، والأرستقراط زي ما بنسمع ونشوفهم هم اللي بيكون ليهم مناصب كبيرة في المجتمع وحاجة زي دي بتبقا بالوراثة، بيورثوا مكانات بعض في المجتمع ،بيكون ليهم ألقاب معينة حسب مكانهم وزمانهم بردو زي باشا وبيه وغيرهم .

البرجوازية

الطبقة اللي أقل من الأرستقراطية شوية ، ودول بيملكوا المصانع ورؤوس الأموال واعتمادهم الكلي على العمال الطبقة الأقل منهم يعني وعلشان كدا حياتهم مترفة ،في بداية ظهورهم كانوا أقل بكتير من الأرستقراط بس مع تحركات السوق السريعة وزيادات الاقتصاد قربوا للوصول لهم. الشمولية باين منها انها تقصد نظام الحكم الشمولي، ودا واحد من أبشع صور الدكتاتورية لو مش الأبشع ودا بفرضها التحكم على الشعب من كل الاتجاهات.. إقتصاد، إعلام، تعليم وكمان بتتحكم في الحريات وقمع المواطنين.

الليبرالية

توجه فكري وفلسفة بتتسند على الحرية ،الليبرالية بتنادي بالمساواه والحرية في كل حاجة تخص الانسان ،سوا كان حرية الرأي او التعبير وحرية اختيار العقيدة والدين غير كدا فهي بتنادي بفصل الدين عن السياسة وكل انسان حر في تصرفاته طالما مش بيأذي غيره. العلمانية فلسفة مادية بتركز على أمور الدنيا وبتاخد كل حاجة بالمنطق العلمي، يعني أي شيء بيخضع لفكر علماني لازم يكون تحت أدلة وبراهين .

وبتعتبر الدين أمر غيبي يعني مينفعش نعتمد عليه، وبتنادي بفصل الدين عن الدولة .

الرأسمالية

نظام إقتصادي بيقوم على رؤوس الأموال وملكية وسائل الإنتاج الملكية فيه بتكون للأفراد والشركات الخاصة، النظام في النهاية بيوصل لتكدس الأموال لفئات معينة من الناس اللي بتمتلك وسائل الانتاج ورؤوس الأموال زي ما قلنا، وحاليا يعتبر أغلب الدول المتقدمة دول رأسمالية التطبيع ودا لما بنخلي شيء مش طبيعي نحوله لحاجة طبيعية وعادية، وفي السياسة المصطلح بيظهر لما يحصل صلح بين دولتين او وصول الدولتين لأفضل حال ما بينهم ودا بيكون بعد فترة خلافات طويلة زي الحروب أو الخلافات السياسية وبيتم الإعلان عنها اما بقرار معلن أو بأفعال بتصب في مصلحة الدولتين السادية اضطراب نفسي، المريض بيه بيستمته باهانة وتعذيب الآخر سواء كان نفسي أو جسدي ،والهدف من كدا انه يبدأ يحس بالقوة والسلطة وبيظهر على الشخص السادي كرهه للآخرين وفرضه سيطرته عليهم.

يوتوبيا

ودا عالم مثالي كله خير ومفيش فيه أي شر، عالم بيعيش في سلام وبيتحكم بالصفات النبيلة زي العدل والمساواه والرحمة والسلام وطبعا دا موجود في الأفلام الهندي بس

---

© OSRET SHABAB TEGARA O.S.T