المذاكره الصح

ابدأ بالمادة السهلة ولا الصعبه ؟

سؤال بيحير كل الطلبة لما بيجوا يذاكروا ..

الطلاب نوعين

النوع الاول : تركيزه بيبقى عالى ف البدايه وبعد كدا تركيزه بيبدأ يقل

النوع التانى : تركيزه بيبدأ يزيد واحدة واحدة

شوف نفسك ، لو انت م النوع الأول ابدأ بالمادة الصعبه والماده السهله كدا كدا مش هتحتاج تركيز كتير منك اما لو انت م النوع التانى يبقى ابدأ بالمده السهله زود بيها تركيزك وخلى الماده الصعبه ف الاخر ع بال مايكون تركيزك زاد

أسرار المذاكرة المثاليه

- التسجيل الصوتى

هتسجل التعريفات الصبعه ف منهجك بصوتك او صوت حد حلو من صحابك ع موبايلك وتسمعها ف طريقك للكليه وانت بترتب كتبك وانت بتغسل اسنانك ورايح تنام وبكدا هتثبت ف دماغك

- الاختصار

الحرف او تكون كلمة سر عندك سؤال خطواته كتير وطويله هتختصرها لخطوات اقصر واسهل وهتختار اول حرف من كل خطوة وتكون بيهم كلمه سر هتستهل عليك انك تفتكر الخطوات بسهوله

- الخرائط الذهنيه

اعمل خريطة ذهنيه بالمواد ال عندك وتعالا ع خريطه كل مادة وقسمها لفروع اعمل لكل درس خريطه ذهنيه خاصه بيه ارسم ولون زى ماانت عاوز وبمجرد نظره واحده بس ف اى وقت تانى هتخليك تفتكر الدرس كله.