"التدريب من أجل التوظيف" منحة لطلاب تجارة دمياط

الكلية بتاعتنا بالتعاون مع المعهد المصرفي التابع للبنك المركزي بيقدموا لطلاب الفرقة الرابعة وخريجين دفعات 2015\2016\2017 منحة هتقام في مركز التدريب في الكلية ، الفترة اللي فاتت جاتلنا أسئلة كتير عنها وعن محتواها وأهميتها .. وده اللي هنحاول نجاوب عليه هنا

المعهد المصرفي

"تم تأسيس المعهد المصرفي المصري بواسطة البنك المركزي المصري في عام ١٩٩١ ليصبح الذراع التدريبي الرسمي له لصقل المهارات الفنية والإدارية للعاملين بالقطاع المالي والمصرفي" ده التعريف الموجود على الموقع الرسمي الخاص بيهم

والمنحة دي إتعملت قبل كدة في جامعات تانية كتير زي عين شمس وكفر الشيخ والمنصورة

أهداف المنحة

سد الفجوة ما بين التعليم الاكاديمى و متطلبات سوق العمل.

الإعداد الفني والإداري لشباب الخريجين بهدف التأهيل للعمل في القطاع المصرفي.

بناء شخصية واعية قادرة على التفاعل والتعامل مع الآخريين.

التطور الذاتى من خلال تزويد المتدرب بمهارات البيع و التسويق و خدمة العملاء و الموارد البشرية اللازمة لنموه فى العمل المصرفى.

محتويات المنحة

العمليات المصرفية

تطوير القطاع المصرفى.(4 ساعات)

التثقيف المالى و الاتجاهات الحديثة فى القطاع المصرفى.(6 ساعات)

الحسابات المصرفية و الودائع.(8 ساعات)

عمليات التجزئة المصرفية.(8 ساعات)

عمليات التجارة الخارجية.(8 ساعات)

عمليات سوق الاوراق المالية.(6ساعات)

هيكل و عمليات ادارة الخزانة.(8ساعات)

التحليل المالى.(8 ساعات)

تمويل المشروعات الصغيرة و المتوسطة

ما هى تمويل المشروعات الصغيرة و المتوسطة و الادوات المتاحة للتمويل.(8 ساعات)

المهارات السلوكية و تطوير الذات

العمل من خلال الفريق.(8 ساعات)

كتابة السيرة الذاتية و مهارات الكتابة و اجتياز المقابلات الشخصية.(8 ساعات)

مهارات أساسيات التواصل.(8 ساعات)

الاتيكيت و سلوك العمل.(8 ساعات)

ادارة الموارد البشرية.(8 ساعات)

أساسيات فن البيع.(8 ساعات)

أساسيات خدمة العملاء.(8 ساعات)

أساسيات التسوق.(8 ساعات)

الابداع و الابتكار فى مجال البنوك.(8 ساعات)

الاختبار النهائى.(ساعة)

وبكده يكون الإجمالي 137 ساعة تدريب لكن لسه ما تمش الإعلان عن جدولأو مدة المنحة دي ف الكلية

شروط الاشتراك فى البرامج :-

أن يكون طالب بالسنة الرابعة .

أوحديثى التخرج لمدة 3 سنين .

اجتياز المقابلة الشخصية.

اجتياز اختبار تحديد المستوى المبتديء فى اللغة الإنجليزية.

إزاي أقدم ؟

التقديم هيكون بصورة البطاقة وبيان الدرجات لطلاب الفرقة الرابعه وصورة شهادة التخرج للمتخرجين و 50 جنية رسوم دخول الامتحان كمان لطلبه 4 علشان تعرفو تقدير السنه السابقه لازم هتعملوا بيان درجات للسنه السابقه وده بيكون من شؤون الطلاب .

التقديم هيبدأ من أول يوم في الترم التاني في مركز التدريب بالكلية وتم تحديد ميعاد إمتحان المنحة و الإنترفيو يوم 25\2

مصاريف ورسوم المنحة كما صرح المسئولين عنها مش هتتجاوز 250 جنيه وهي المصاريف الإدارية فقط على أن يعفى الطلاب من مبلغ التدريب اللي بيتجاوز 1000 جنيه تقريبا

للتواصل

تقدر تتواصل مع المسئولين ع التدريب في الجروب الرسمي بتاعهم

https://www.facebook.com/groups/1903044389956497/

#البنك #التجارة #البنكالمركزي #منحة #تدريب #التدريبمناجلالتوظيف #دمياط